Página principal

Komunikado di prensa


Descargar 6.13 Kb.
Fecha de conversión18.07.2016
Tamaño6.13 Kb.


KOMUNIKADO DI PRENSA
Aqualectra ta spera ku den oranan di atardi lo mester kita i pone koriente kada 3 ora, debí ku ta konfrontá skarsedat di koriente. Ta hasi apelashon na komunidat pa usa ménos koriente
Ayera hinter dia tabata un dia trankil sin mester a kita koriente pero awe mainta lat a surgi un situashon ku no por a kumpli ku e demanda máksimo kompleto. For di 11.40 a kuminsá kita koriente di algun bario.

E planta di BOO a hañ’é ta baha su suministro direpente debí ku mester hasi algun trabou di reparashon di urgensia den e planta ku lo dura te den oranan di atardi. Esei ta nifiká ku te den oranan di atardi por spera ku mester sigui apliká e sistema di kita i pone koriente kada 3 ora .


Aktualmente tin un skarsedat di 15 MW i mester a kita koriente di área di :
Buena Vista, Dein, Kanga,Klein Hofje, Groot Piscadera, De Savaan,Seru Domi Habaai, Cas Chiki, Palu Blanku, Salina, Area Gosieweg Parti Suffisant Amerikanenkamp , Brievengat , Trai Seru , Jongbloed, Iland, Weis ,Rancho Schelpwijk , Janwe, Bottelier, Zuurzak, Nrd Janthiel, Bottelier, Brievengat, Jongbloed, Trai Seru, área Gosieweg ,Schelpwijk, Blauw, Boka Sami, St. Michiel Jandoret ,Julianadorp , Seru Molina, Scherpenheuvel, Seru Lora , parti Sta Rosa Kas Grandi , Spaanse Water, Hanenberg, Brakkeput Ariba, Janthiel, Rooi Santu, Montaña, Seru Machu, Katoentuin te Fuik .
Pa loke ta trata e ketel 11 na Mundu Nobo, awe tardi ta kuminsá ku tèstmentu pa despues por kuminsá ku proseso di start. Ta spera ku pa mayan por pone e unidat bek riba e ret di koriente
Ta bolbe hasi un apelashon na komunidat pa tanten ta den e situashon di skarsedat di kapasidat pa usa ménos koriente posibel i tambe si por, saka aparatonan for di koriente ora koriente bai.
Aqualectra ta lamentá i ta pidi diskulpa pa e situashon i alabes ta gradisí komunidat pa e komprenshon .

Atentamente,

Sharo Bikker

Relashon Públiko



Tel. 5154169, 4625968

3 ougùstùs 2012


La base de datos está protegida por derechos de autor ©espanito.com 2016
enviar mensaje